رجعت الشقة وانا ريحتى كلها غاز ومترب , بس ريحتى مش فارقة كتير عن ريحة الشقة , الحمد الله انى لحقت اشترى الحاجات الى محتاجه قبل ما الهدنة التانية بين المتظاهرين والشرطة تخلص , و لقيت ناجى صاحبى عدانى من بوبات التفتيش بتاعت الميدان ووصلنى لغاية باب العمار فى محمد محمود , ومرداش يطلع رغم الحاحى وقال :
ان المستشفى فيها حالات كتير ومحتاجه كل ايد, و حاول تنزل حتى لو فى وقت الهدنة تساعد فى اى خياطه او علاج اى حد .
قلتله : ان شاء الله وخلعت على فوق .
نفسى انام , بقالى يومين ما نمتش من صوت الضرب فى الشارع خصوصا انى ساكن فى الدور التانى ومهما قفلت فى شبابيك وبلكونات الصوت والغاز رفقاء الوحدة .
ومع اخر لقمه حطيتها فى بوقى انتهت الهدنه وبدأ ضرب القنابل و زى ما بيقولوا الخرطوش لانى بصراحه ما اعرفش فى خرطوش ولا, الشرطة بتقول ما فيش خرطوش , وناجى ورانى فوارغ خرطوش واحنا ماشين فى الشارع وحطها فى جيبه , انا مش عارف اكون رأى الصراحة وحتى مستغرب من كلمة هدنة ديه كمان هما فى حرب ولا ايه.
حولت افهم من التلفزيون بيلغبطونى اكتر , فى ناس بتقول ان البلطجية عايزين يقتحموا وزارة الداخلية, التانين بيقولوا انهم متظاهرين بيدافعوا عن الى فى الميدان, ولما اتصلت ب ناجى , قال : افتح الشباك وبص بنفسك وشوف ولا اقولك انزل العيادة محتاجين ايدك معايا وكالعادة زوغت من الموضوع ده وانا مالى .
الغريب ان ناجى بقاله عشر شهور بيعرض عليا انزل فى وسط الميدان او اشوف الى بيحصل حوليا, وبيستغرب انى ساكن جنب الميدان وكل علاقتى بيه انى بعدى بس , حتى عمرى ما فكرت اقرى شعار او يافطه مرفوعه .
وفى ال 18 يوم بتوع يناير اديته مفاتيح الشقه هو وتلت دكاترة اصحابى وروحت اقعد عند ابويا وامى , بعد ما نبهت عليه انه ما يدخلش حد غريب , حتى المرة الوحيدة الى نزلت فيها الميدان وكنت قاصده , يوم 12 فبراير للاحتفال مع الناس,كنت مبسوط اوى ان الناس مبسوطه.
ان المستشفى فيها حالات كتير ومحتاجه كل ايد, و حاول تنزل حتى لو فى وقت الهدنة تساعد فى اى خياطه او علاج اى حد .
قلتله : ان شاء الله وخلعت على فوق .
نفسى انام , بقالى يومين ما نمتش من صوت الضرب فى الشارع خصوصا انى ساكن فى الدور التانى ومهما قفلت فى شبابيك وبلكونات الصوت والغاز رفقاء الوحدة .
ومع اخر لقمه حطيتها فى بوقى انتهت الهدنه وبدأ ضرب القنابل و زى ما بيقولوا الخرطوش لانى بصراحه ما اعرفش فى خرطوش ولا, الشرطة بتقول ما فيش خرطوش , وناجى ورانى فوارغ خرطوش واحنا ماشين فى الشارع وحطها فى جيبه , انا مش عارف اكون رأى الصراحة وحتى مستغرب من كلمة هدنة ديه كمان هما فى حرب ولا ايه.
حولت افهم من التلفزيون بيلغبطونى اكتر , فى ناس بتقول ان البلطجية عايزين يقتحموا وزارة الداخلية, التانين بيقولوا انهم متظاهرين بيدافعوا عن الى فى الميدان, ولما اتصلت ب ناجى , قال : افتح الشباك وبص بنفسك وشوف ولا اقولك انزل العيادة محتاجين ايدك معايا وكالعادة زوغت من الموضوع ده وانا مالى .
الغريب ان ناجى بقاله عشر شهور بيعرض عليا انزل فى وسط الميدان او اشوف الى بيحصل حوليا, وبيستغرب انى ساكن جنب الميدان وكل علاقتى بيه انى بعدى بس , حتى عمرى ما فكرت اقرى شعار او يافطه مرفوعه .
وفى ال 18 يوم بتوع يناير اديته مفاتيح الشقه هو وتلت دكاترة اصحابى وروحت اقعد عند ابويا وامى , بعد ما نبهت عليه انه ما يدخلش حد غريب , حتى المرة الوحيدة الى نزلت فيها الميدان وكنت قاصده , يوم 12 فبراير للاحتفال مع الناس,كنت مبسوط اوى ان الناس مبسوطه.
بس دلوقتى ولا انا مبسوط ولاهما مبسوطين, الحياة مملة , من التلفزيون للنت ومن النت للتلفزيون , ويا سلام لما تكمل والنور يتقطع , ما فيش حاجه اعملها غير انى اتصل ب أميرة ونقعد نتكلم فى اى حاجه , وبصراحة البنت بتثبت كل يوم عن التانى انها فهمانى, لدرجة انها عارفه انى ساكن فى بؤرة الاحداث ومسالتنيش ايه الى بيحصل فى محمد محمود ,او هى فهمه ومدكنه.
يانهار اسود لو هى الاحتمال التانى.
يقطع تفكيرى صوتها وهى بتقولى :باسم ايه وصلت الحمد الله؟؟كنت خايفه الهدنة تنتهى وانت لسه ما وصلتش , ايه عرفت تسخن الاكل.
وبالجملتين دول تثبت انها مش فهمانى ولا حاجه , بدليل انها مش عارفه ان قعدتى لوحدى خلتنى طباخ شاطر , يبقى كده الاحتمال التانى انها فاهمه ومدكنه .
- انتى فاهمه الى بيحصل ده يا أميرة؟؟؟
- فاهمه ومش فاهمه التلفزيون عاملى شيزوفرنيا بس ما فكرتش اتعب دماغى واعرف الحق فين , كده كده يومين والكل هيتلم وترجع ريما لعادتها القديمة , بالمناسبة انت بتقول ان صاحبك ناجى فى المستشفى الميدانى الى على ناصية محمد محمود , فى خبر على الجزيرة دلوقتى ان المستشفى بتضرب .
- طيب اقفلى هتصل اطمن عليه . مع السلامه
جرس كتير وكول تون "واحد بيغنى ارفع راسك فوق انت مصرى " وناجى مش بيرد عشر دقايق بحالهم رنات ومافيش رد , طيب انزل اطمن عليه , اعمل ايه بس ؟؟؟
بس هو الى بيجيبه لنفسه وبيعيش الى حوليه كلهم فى قلق و ما يروح يشوف عيادته بدل ما هو قاعد فى الشارع كده 24 ساعه ؟؟؟!!
النور رجع تانى الحمد الله افتح التليفزيون عشان اتابع الاخبار, خبر برضه بيقول اصابة عدت اطباء
اتصل باخوه , اخوه هيقولى انزل دور عليه , انزل ازاى بس فى الظروف المهببه ديه .
بعد نص ساعه تقريبا يتصل بيا ناجى وبيطمنى عليه, اقوم احضر حاجه سخنه تضيع اثر الغاز واشغل موسيقى هاديه عشان تضيع شوية من اثر الصوت.
احط المخده على دماغى ويسود الهدوءوالظلام واناااااااااااام .
يانهار اسود لو هى الاحتمال التانى.
يقطع تفكيرى صوتها وهى بتقولى :باسم ايه وصلت الحمد الله؟؟كنت خايفه الهدنة تنتهى وانت لسه ما وصلتش , ايه عرفت تسخن الاكل.
وبالجملتين دول تثبت انها مش فهمانى ولا حاجه , بدليل انها مش عارفه ان قعدتى لوحدى خلتنى طباخ شاطر , يبقى كده الاحتمال التانى انها فاهمه ومدكنه .
- انتى فاهمه الى بيحصل ده يا أميرة؟؟؟
- فاهمه ومش فاهمه التلفزيون عاملى شيزوفرنيا بس ما فكرتش اتعب دماغى واعرف الحق فين , كده كده يومين والكل هيتلم وترجع ريما لعادتها القديمة , بالمناسبة انت بتقول ان صاحبك ناجى فى المستشفى الميدانى الى على ناصية محمد محمود , فى خبر على الجزيرة دلوقتى ان المستشفى بتضرب .
- طيب اقفلى هتصل اطمن عليه . مع السلامه
جرس كتير وكول تون "واحد بيغنى ارفع راسك فوق انت مصرى " وناجى مش بيرد عشر دقايق بحالهم رنات ومافيش رد , طيب انزل اطمن عليه , اعمل ايه بس ؟؟؟
بس هو الى بيجيبه لنفسه وبيعيش الى حوليه كلهم فى قلق و ما يروح يشوف عيادته بدل ما هو قاعد فى الشارع كده 24 ساعه ؟؟؟!!
النور رجع تانى الحمد الله افتح التليفزيون عشان اتابع الاخبار, خبر برضه بيقول اصابة عدت اطباء
اتصل باخوه , اخوه هيقولى انزل دور عليه , انزل ازاى بس فى الظروف المهببه ديه .
بعد نص ساعه تقريبا يتصل بيا ناجى وبيطمنى عليه, اقوم احضر حاجه سخنه تضيع اثر الغاز واشغل موسيقى هاديه عشان تضيع شوية من اثر الصوت.
احط المخده على دماغى ويسود الهدوءوالظلام واناااااااااااام .
هدية لكل باسم ؛)
0 التعليقات:
إرسال تعليق