مصطفى بصراحه كده انت ايه الى رجعك مصر؟؟؟؟
فجأتنى الهام بهذا السوال وانا لسه هبتدى اشرب القهوة بتاعتى ,كنت مركز اوى بحاول استعيد ذكرياتى الضائعه فى هذا المكان بحاول ارتبها ,وأتامل المكان الى شارك فى تكوينى الحسى,امتى ومع مين وكام مره شربت نفس فنجان القهوة هنا مع صوت فيروزأو موسيقى الجاز المشهور بها المكان,مين الى قعد معايا اخر مره فيه وكان ايه شعورى وانا عارف انها هتبقى اخر مره وانا نويت اهاجر,ومش راجع تانى ,ازاى ارجع وانا أتظلمت فى بلدى الاول سرقوا حلمى وبعد كده كتموا صوتى عشان ما طلبش بحقى
سرقت الاجابه من على لسانى وباغتتنى كعادتها تسال السؤال وترد عليه....وقالتلى ما تقنعنيش انك راجع بعد عشر سنين عشان الحنين للبلد او حبك ليا لاننا كنا نهينا الموضوع ده فى اخر قاعده لينا هنا قبل ما تسافر
كده فعلا الذاكره ما خنتنيش كان اخر حد قعدت معاه هنا كانت الهام...فاكر كمان الكلام الى قولت يوميها....انا مش هينفع استمر هنا يا الهام, هنا انا اتسرق حلمى ,هنا انا اتظلمت ....هنا هنا .
انا فاكر انى قلت ستين هنا مع ستين حاجه و كان فى وقتها اكتر.....وبعد كده سألتنى طيب وانا؟؟؟؟
وكالعاده الى مش هتبطلها خلتها تجاوب عن سؤالها..طبعا انا مش مهمه انت طبعا هتخيرنى بين انى اسافر معاك او اقعد هنا,طيب انا بحب مصر ومش متخيلى نفسى اعيش فى مكانى تانى...مقدرش اعيش من غير اهلى واصحابى ..مش متخيله انى مش ممكن اجى المكان الى اتقبلنا فيه اول مرة واشرب القهوه هنا... انا خلاص اخترت مش هسافر معاك انا هقعد والى يحصل يحصل
مكنتش ناوى اصلا اقولها سافرى معايا لانى نويت ان اعيش حياة جديده ,ان ابحث على اصحاب واصدقاء جدد...عن حب جديد,حياة جديده اولد فيها من جديد...جالى الاحساس ده بعد موت امى...لازم ابتدى من جديد وحياتى فى مصر ورا ظهرى,كان نفسى انسى الى حصل معايا وازاى لم جيت اقول كلمة حق واشهد على رئيسى فى الشغل انه اخد رشوة من شركة عالمية لتوريد عربيات للقطاع الحكومى,ولما واجهته قال انها مش هتضر البلد فى حاجه وهما مقدمين نفس سعر الشركات الاخرى ونفس الامكانيات(طيب هما دفعوا رشوة ليه عشان انت ما تقفش زى اللقمة فى الظور وتبوظ الصفقه مثلا),ولما رفضت لبسنى تهمه وشهد تضدى اعز اصحابى,والحمد الله الموضوع اتلم بعد ما انا قررت اسكت ,حكاية مكرره اينعم فى الافلام الابيض والاسود بس لسه بتحصل لغاية دلوقتى فى مصر وما فيش تتر نهاية بينزل.... اللعنه على سؤالك الى دخلنى فى دوامه انا مش عاوزها ولا عاوز افتكرها
مصطفى انت سرحت فين كمل قهوتك بس واحكيلى عن حياتك فى امريكا والى حصلك؟؟؟؟؟؟
لسه هتكلم ,بس هى سبقتنى و قعدت تتكلم وتقولى اكيد حريم ياما وشرب ياما ما انا عرفاك خلبوص من يومك وشكلك برده عملتهم اد كده على قلبك
والنبى اتكتمى واسكتى ومدخلنيش فى الدوامه التانيه الى خلتنى قاعد هنا...اه فى البدايه كان عندى الحلم الامريكى بعد ضياع حلمى المصرى وتدميره...بس شوية بشويه بدات الغمامه تنقشع عن عينى لا فى حلم ولا زفت ....الفرق الوحيد الى بين مصر وامريكا ..هنا فى مصر السرقه مرتبطه بالجهل والفقر والطمع,فى امريكا السرقه مرتبطه بالقسوة والغنى والطمع برده, تركيبه اغرب من الى فى مصر....بس هناك اتغيرت حاجات كتير فيا وقررت انى
اشارك فى السرقه,ايوه اشمعنا انا على الاقل مش بسرق من اهل بلدى,ولا بمص دم الغلابه
هناك كنت ناوى ابدا حياة جديده و وادور عن حب جديد...وفعلا لقيت كاثرين البنت الجدعه الى وقفت جنبى وساعديتنى فى بداية حياتى...فتحت ليا كل الابواب المغلقه..وكمان البونص بتاع كل حاجه انها اتجوزيتنى وقدرت اخد الجنسية كمان...وبصراحه بعد ده كله مش عارف انا كنت بحبها عشان شخصيتها ولا بحبها كنوع من رد الجميل...كانت تقف جنبى فى كل مشكله حتى فى المحنة الاخيره,وبعد القبض عليا واتهامى بتهم فساد ورشوة...ايوه فساد ورشوه الى رفضت اعمله فى مصر عملته فى امريكا مع انى كنت اغنى بكثير من وقت ما كنت فى مصر,ولكن احساس غريب دفعنى لقبول الرشوة,يمكن انى افتكرت الماضى والى حصل فى مصر فخفت, ولا هو الانتقام من نفسى انى سكت وانا فى مصر على اساس انى اشتركت معهاهم بسكوتى مش هتفرق...المشكله فعلا انى مش حاسس باى ندم
سحبت منى الجنسيه واترحلت على مصر ....طلبت منى كاثرين انا تعود معى ولكنى رفضت وقلت لها انى هبعتلها فى اقرب فرصه وانا عارف انى مش هبعتلها ولا حاجه كان عندى هاجس غريب انى لازم ابدأ حياة جديده واتولد من جديد لتالت مره.
ديما بحاول اهرب اول ما احس انى مش هقدر اقاوم التيار اهرب....دمرت حياتى واتخليت عن حبى و عن حقى وبلدى بسهوله.
المره ديه هتبقى اسهل بكتير انا كل الى ليا فى امريكا زوجه مش عارف انا بحبها ولا
انقذتنى الهام هذه المره من حيرتى و تأنيبى لضميرى بسؤالها...انت راجع زيارة ولا هتستقر وانت ايه الى فكرك بيا و اتصلت ؟؟؟؟؟وكانت ناويه تجاوب كالعاده ولكن هذه المره كسرت العاده
وقلت لها وانا بنادى على الجرسون عشان ادفع الحساب
فجأتنى الهام بهذا السوال وانا لسه هبتدى اشرب القهوة بتاعتى ,كنت مركز اوى بحاول استعيد ذكرياتى الضائعه فى هذا المكان بحاول ارتبها ,وأتامل المكان الى شارك فى تكوينى الحسى,امتى ومع مين وكام مره شربت نفس فنجان القهوة هنا مع صوت فيروزأو موسيقى الجاز المشهور بها المكان,مين الى قعد معايا اخر مره فيه وكان ايه شعورى وانا عارف انها هتبقى اخر مره وانا نويت اهاجر,ومش راجع تانى ,ازاى ارجع وانا أتظلمت فى بلدى الاول سرقوا حلمى وبعد كده كتموا صوتى عشان ما طلبش بحقى
سرقت الاجابه من على لسانى وباغتتنى كعادتها تسال السؤال وترد عليه....وقالتلى ما تقنعنيش انك راجع بعد عشر سنين عشان الحنين للبلد او حبك ليا لاننا كنا نهينا الموضوع ده فى اخر قاعده لينا هنا قبل ما تسافر
كده فعلا الذاكره ما خنتنيش كان اخر حد قعدت معاه هنا كانت الهام...فاكر كمان الكلام الى قولت يوميها....انا مش هينفع استمر هنا يا الهام, هنا انا اتسرق حلمى ,هنا انا اتظلمت ....هنا هنا .
انا فاكر انى قلت ستين هنا مع ستين حاجه و كان فى وقتها اكتر.....وبعد كده سألتنى طيب وانا؟؟؟؟
وكالعاده الى مش هتبطلها خلتها تجاوب عن سؤالها..طبعا انا مش مهمه انت طبعا هتخيرنى بين انى اسافر معاك او اقعد هنا,طيب انا بحب مصر ومش متخيلى نفسى اعيش فى مكانى تانى...مقدرش اعيش من غير اهلى واصحابى ..مش متخيله انى مش ممكن اجى المكان الى اتقبلنا فيه اول مرة واشرب القهوه هنا... انا خلاص اخترت مش هسافر معاك انا هقعد والى يحصل يحصل
مكنتش ناوى اصلا اقولها سافرى معايا لانى نويت ان اعيش حياة جديده ,ان ابحث على اصحاب واصدقاء جدد...عن حب جديد,حياة جديده اولد فيها من جديد...جالى الاحساس ده بعد موت امى...لازم ابتدى من جديد وحياتى فى مصر ورا ظهرى,كان نفسى انسى الى حصل معايا وازاى لم جيت اقول كلمة حق واشهد على رئيسى فى الشغل انه اخد رشوة من شركة عالمية لتوريد عربيات للقطاع الحكومى,ولما واجهته قال انها مش هتضر البلد فى حاجه وهما مقدمين نفس سعر الشركات الاخرى ونفس الامكانيات(طيب هما دفعوا رشوة ليه عشان انت ما تقفش زى اللقمة فى الظور وتبوظ الصفقه مثلا),ولما رفضت لبسنى تهمه وشهد تضدى اعز اصحابى,والحمد الله الموضوع اتلم بعد ما انا قررت اسكت ,حكاية مكرره اينعم فى الافلام الابيض والاسود بس لسه بتحصل لغاية دلوقتى فى مصر وما فيش تتر نهاية بينزل.... اللعنه على سؤالك الى دخلنى فى دوامه انا مش عاوزها ولا عاوز افتكرها
مصطفى انت سرحت فين كمل قهوتك بس واحكيلى عن حياتك فى امريكا والى حصلك؟؟؟؟؟؟
لسه هتكلم ,بس هى سبقتنى و قعدت تتكلم وتقولى اكيد حريم ياما وشرب ياما ما انا عرفاك خلبوص من يومك وشكلك برده عملتهم اد كده على قلبك
والنبى اتكتمى واسكتى ومدخلنيش فى الدوامه التانيه الى خلتنى قاعد هنا...اه فى البدايه كان عندى الحلم الامريكى بعد ضياع حلمى المصرى وتدميره...بس شوية بشويه بدات الغمامه تنقشع عن عينى لا فى حلم ولا زفت ....الفرق الوحيد الى بين مصر وامريكا ..هنا فى مصر السرقه مرتبطه بالجهل والفقر والطمع,فى امريكا السرقه مرتبطه بالقسوة والغنى والطمع برده, تركيبه اغرب من الى فى مصر....بس هناك اتغيرت حاجات كتير فيا وقررت انى
اشارك فى السرقه,ايوه اشمعنا انا على الاقل مش بسرق من اهل بلدى,ولا بمص دم الغلابه
هناك كنت ناوى ابدا حياة جديده و وادور عن حب جديد...وفعلا لقيت كاثرين البنت الجدعه الى وقفت جنبى وساعديتنى فى بداية حياتى...فتحت ليا كل الابواب المغلقه..وكمان البونص بتاع كل حاجه انها اتجوزيتنى وقدرت اخد الجنسية كمان...وبصراحه بعد ده كله مش عارف انا كنت بحبها عشان شخصيتها ولا بحبها كنوع من رد الجميل...كانت تقف جنبى فى كل مشكله حتى فى المحنة الاخيره,وبعد القبض عليا واتهامى بتهم فساد ورشوة...ايوه فساد ورشوه الى رفضت اعمله فى مصر عملته فى امريكا مع انى كنت اغنى بكثير من وقت ما كنت فى مصر,ولكن احساس غريب دفعنى لقبول الرشوة,يمكن انى افتكرت الماضى والى حصل فى مصر فخفت, ولا هو الانتقام من نفسى انى سكت وانا فى مصر على اساس انى اشتركت معهاهم بسكوتى مش هتفرق...المشكله فعلا انى مش حاسس باى ندم
سحبت منى الجنسيه واترحلت على مصر ....طلبت منى كاثرين انا تعود معى ولكنى رفضت وقلت لها انى هبعتلها فى اقرب فرصه وانا عارف انى مش هبعتلها ولا حاجه كان عندى هاجس غريب انى لازم ابدأ حياة جديده واتولد من جديد لتالت مره.
ديما بحاول اهرب اول ما احس انى مش هقدر اقاوم التيار اهرب....دمرت حياتى واتخليت عن حبى و عن حقى وبلدى بسهوله.
المره ديه هتبقى اسهل بكتير انا كل الى ليا فى امريكا زوجه مش عارف انا بحبها ولا
انقذتنى الهام هذه المره من حيرتى و تأنيبى لضميرى بسؤالها...انت راجع زيارة ولا هتستقر وانت ايه الى فكرك بيا و اتصلت ؟؟؟؟؟وكانت ناويه تجاوب كالعاده ولكن هذه المره كسرت العاده
وقلت لها وانا بنادى على الجرسون عشان ادفع الحساب
" كان نفسى اشرب فنجان قهوة و بس "
وحتى الان مازال مصطفى كاتم سر المتورطين فى الصفقه
2 التعليقات:
تحفة جداااااااااا
ربنا يوفقك وتستمر بقى من غير كسل :)
@sara
ان شاء الله ومرسيه :)
إرسال تعليق