لا شيىء كما يبدو

people will forget what you said,
people will forget what you did,
but people will never forget
how you made them feel.
لسه فاكر الجزء ده من قصيدة مايا انجلو ,فاكر اليوم الى قريته فيه كويس,فاكر المكان ,وفاكر كمان انها اخر مرة قبلت فيها اميرة,بس للاسف انى بحاول افتكر الشعور الى حسيته يوميها ومش قادر,ايه الى حصل!! ازاى قدرة انساه بسهولة بعد فتره قصيره....انا فاكر يوميها انى نويت احافظ على الشعور ده ما سبهوش يضيع منى بسهوله...مكنتش عاوز ارجع تانى للحاله الى كنت فيها,حالة اللامبالة ,حالة شبيه بالموت, ايوه كان معاها حق هو الموت نفسه

ليه يوميها ما طلبتش رقمها عنوانها اى معلومات ممكن اوصلها بيها؟؟؟؟!!
يمكن فعلا مكنتش عاوز اوصلها لانها هى الوحيده الى قدره تفوقنى من الى انا فيه

اليوم ده كنت اشعر بوحده غريب رغم وجود اصحابى معايا,عرضوا عليا انزل المايه معاهم رفضت كالعاده ,و بدافع التسلية وقتل الملل والفراغ دخلت الشاليه ادور على اى حاجه اقراها. لقيت مجلات قديمه وشويت كتب ملهاش لازمه,لغاية مالقيت احدى قصائد مايا انجلو اخدتها وطلعت قعدت ادام الشاليه المكان هادى ويساعد على الاسترخاء,لا احد حولى الا سيده شكلها مؤلوف ليا فى اوائل الثلاثينات من العمر تراقب اولادها فى المايه.
اندمجت فى القراءه و ما لحظتش اقترابها منى, فوجئت بيها وهى بتقولى كريم صح,فى الحقيقه اتعقد لسانى من الذهول ,هزيت راسى بأيوة ,مش معقول تكون اميره انا بقالى 8 سنين ما شوفتهاش,اخر مره شوفتها وهى بتودع اختى قبل ما تهاجر استراليا هى وجوزها,من اليوم ده معرفش عنها حاجه كل الى اعرفه انها اتجوزت وسافرت هى كمان.لفت بيا الذكريات وافتكرت اد ايه هى كانت قريب من اختى الكبيره وكنت بعتبرها اخت وصديقه ليا,كنت مسميها حلال المشاكل,افتكرت الايام ديه ازاى كانت الحياة سهله,ازاى انى عمرى ما حسيت بالفراغ والوحده الى انا فيهم دلوقتى,اخرجتنى من حيرتى

واد يا كريم انت نسيتنى ولا ايه

فكسرت الذهول ورديت- عليه أميره

-ايوه يا سيدى اميره ايه يابنى انا كنت قاعده متبعاك من الصبح ومش مصدقه ان الى قاعد ده كريم

فرديت عليها وانا بشيل حاجات من على الكرسى الى جنبى عشان تقعد- ليه بقى هو انا شكلى اتغير لدرجه ديه

قالتلى و هى بتضحك -ايوه يا سيدى شكلك عجزت اوى ده بذمتك شكل شاب عنده 28 سنة,ايه يا ابنى الى حصلك احكيلى عن اختك وايه اخبرها ا وحشانى اوى انا ما شوفتهاش من يوم سافرها,عاوزه اعرف كل التفاصيل بجد وحشنى اوى حاولت اتصل بيكم اول ما رجعت مصر بس لقيت الرقم مرفوع,رحت البيت وعرفت ان ان باباك ومامتك ماتوا, البقيه فى حياتك,حاولت اوصلك عرفت انك بعت الشقه ورحت تشتغل فى الخليج

شعرت بحنين اكثر للماضى ورغبه فى البكاء لم اشعر بها حتى يوم وفاة اعز حد عندى فى الدنيا امى يمكن ده بدافع الجو الى عايش فيه دلوقتى من الوحده رديت عليه بنبرة حزن
"حياتك الباقيه" ,انا فعلا سافرت الخليج ورجعت فتحت شركة مقاولات فى مصر من سنتين

فقالت متلهفه_طيب واختك الندله ديه عامل ايه
فتذكرتها و كأنى كنت نسيت ان ليا اخت من كتر البعد عنها........ كويسه الحمد الله خلفت مريم ونور وبتنزل اجازة كل سنتين فى الصيف ,وحاولت ان ابعد عن الكلام عنها فغيرت مسار الحوار لانى مش عاوز احكى وافتكر

وسألتها انتى بقى ايه اخبارك؟؟؟العفاريت الى فى المايه دول اولادك؟؟؟

فردت مبتسمه_ايوه يا سيدى عبال ماتخلف عفاريت زيهم محمد ويس...انما انت صحيح اتجوزت ولا؟؟؟

رجعت الكورة تانى فى ملعبى بس حاولت اتفدى انى احكى- وحيات اهلك غيرى السيره ديه بلا وجع دماغ
فرديت والفضول مشع فى عينيها- يا سيدى احكى انت ناسى انى كنت كاتم اسرارك وحلالة المشاكل الخصوصية بتاعتك...من اول سلمى بنت الجيران لغايه ما ابوك قفشك بسيجاره فى البلكونه
فضحكت ضحك هستيرى من فترة ماضحكتهوش وافتكرت ازاى هو يوميها قرر انه يعاقبنى بمقاطعة الكلام معايا نهائيا ,وازاى هى قدرت تلاقي الحل انى اقوله انه السبب انا كبرت لاقيته بيشرب سجاير وانا متعلق بيه وبقلده فى كل شيىء فاكيد شرب السجاير ديه كان حبا فيه مش اكتر, واتفقت معاه يوميها لو هو بطل انا هبطل ,فكانت النتيجه حرمان من المصروف ومعاملة زى الزفت لفترة طويله وكتمت ضحكى بالعافيه و قولتلها - ايوه يا اختى فاكر

فضحكت وقالتلى : مش زنبى انا قلتلك نصيحه وكان التنفيذ عليك انتى الى نفذت غلط احكى بس,مالك عجزت والحياة انطفت من وشك,ومبقتش كريم الى اعرفه الى واخد الدنيا فى صدره ومش بيبطل ضحك وهزار ,يا ابنى انا عمرى ما شوفتك بتقرا,عمرى ما شوفتك جنب البحر ومش يتنزل فى ايه حصلك ايه الى غيرك

تحولت ملامحى للجديه -ايه رايك للاحسن ولا للاوحش

رديت بسؤال لتهرب من الاجابه- مش عارفه انت المفروض الى تحس هو تغير حلو ولا

شعرت انشراح قلبى وانا بحكى عمرى ما حد سألنى انى انا اتغيرت ليه تقريبا ما حسوش انى اتغيرت لانى كنت بتغير ببطىء فى سنين ,تغير بسيط بس بتغلغل جوايا محدش يلاحظه ,بس هى عرفته لانها ماعشتش التغير ده معايا, شفتنى اتغيرت مره واحده
-مش عارف والله يا اميرة انا كل الى اعرفه انى اتغيرت,يمكن اتغيرت يوم ما قررت انى ما ابكيش على امى, اكتم البكا والحزن ما اعلنش عن ضعفى ,حتى يوم ماسيبت حب حياتى سلمى كان فى نوع من اللامباله,بس الغريب ان مش الحزن والبكا والغضب بس الى اتكتموا ,حتى يوم ماسيبت حب حياتى سلمى كان فى نوع من اللامباله مبقاش فى حاجه تفرق معايا,اتكتم تقريبا احاسيس كتيره اوى

تغيرت ملامح وجها وشعرت بنوع من الشفقه وهى بتقول -ازاى يعنى انت كده تبقى ميت انت عايش ازاى

نظرت اليها وانا مش عارف ابرر الحالة الى وصلتلها ومش عارف ادافع عن نفسى لانى كل يوم ابص فى الماريا الصبح واسأل نفسى نفس السوال انت عايش ليه ؟؟طيب لو مت النهارده هتفرق معاك حاجه؟؟معاها حق انا فعلا ميت
-خرجت كلمات غريبه من فمى غير الى بفكر فيها وقلت لها الشغل واخد كل وقتى ممكن تكون الماده هى الى ضيعتنى,معنديش حاجه تانيه اعملها فى حياتى غير انى اشتغل

و بدأت ادخل فى دوامه من التفكير جوايا عارف كويس انى بكدب وده باين فى صوتى عارف ان الى وصلنا فى للمرحلة ديه انى قررت انهى المعركه مع الحياة بدرى ,من غير ما حد يخسر او يكسب, اقف على الحياد ومتفرقش معايا اي حاجه تانيه

فجأتنى بانفعالها اول مره اشوفه منفعله حتى هى اتغيرت-انت كداب وجبان يا كريم بتهرب و بتكدب بكلامك ده عليا ولا على نفسك...انت كده ميت,تقدر تقولى انت مانزلتش المايه ليه ما انى عارفاك كنت بتحب البحر اوووى..انا اقولك انته قررت تشوفه الحياة من بره من ورا لوح ازاز ,هنزل ما انا ياما نزلت وجربت طعمه المايه المالحه,هحب ليه تانى ما انا جربت الحب قبل كده وجربت طعمه الحلو.....هعمل كده ولا كده ليه وليه وليه وانا جربت وعرفت....بس الى انت ما تعرفهوش ان بحر الحياة لسه فى مفجأت لك فوق يا كريم قبل.....ثوانى

شافت اولادها طالعين من البحر وبينادوا عليها ووقفت تتكلم معاهم شويه , ورجعتلى وقالتلى الاولاد جعانين اوى انا هروح احضرلهم اكل وارجعلك لسه هنكمل كلامنا

مشيت قبل ما ارد ,ما اخدتش الفرصه انى ارد عليها واقولها معاكى حق فى كل كلمة ,مشيت وما قبلتهاش تانى
وبعد فترة نسيت الى كلامها نسيت كل حاجه عملتها كل الى افتكرته فى اللحظه ديه الشعور المختلف الى خلتنى احسه

بس للاسف مع مرور الايام نسيت شعورى ده كمان

دلوقتى انا ماسك المسدس فى ايد و القصيده فى الايد التانيه, فى نفس المكان على البحر بعد مرور سنين
معرفش عددها , ومش عارف عندى الشجاعه انهى عذابى


بس قررت انهى المعركه خسران او كسبان مش مشكله المهم انهى تنتهى بنتيجه...................


        


                التقدم العمر ليس هو الذي يجعلنا نموت بل : الموت الحقيقي هو النسيان

Posted in: