انت ايه رايك؟؟؟
انتبهت لسؤال جدى ,سالنى وانا مش مستعد ...مكنش عندى رأى فى اى شيىء الرؤية انعدمت عندى .
طلع كلام منى بعفويه : مش عارف ,دلوقتى بالذالت مش عارف العيب فى انا ولا فيها.
بص لى وهو بيضحك من الحيرة الى انا فيها وقالى قوم شغل الراديو نفسى اسمع راديو اتخنقت من التلفزيون والنت بتاعكم ده.
ماشى ياعم محمود بس انا مش هشغل اغانى قديمة انا هجيب اغانى من بتاعتنا بقا ادام انت قررت تصنف التصنيف ده بتاعتنا وبتاعكم كأننا مش عايشين فى نفس المكان ,انتم من كوكب واحنا من كوكب .....شغلت الراديو ورجعت للكرسى الى جنبه.
قلت له: ايه رايك انت تفتكر التغير ده شيىء لطيف ....تفتكر لما الاقيها اتغيرت معايا وما بقيتش الانسانة الى اعرفها وحبيتها هو ده شيىء طبيعى.
لاول مرة من وقت ما قعدت معاه من ساعة يقفل الجرنال ويحطه على جنب ويكون تركيزه معايا كامل
قالى : بص يا يوسف الحياة يا ابنى لو محصلش فيها تغير سواء للوحش او للحلو هتبقى ماية راكده هتتعفن
رديت عليه منفعل: بس انت عارف انى بخاف من التغير ,بخاف من التجديد ,بخاف من الى ما اعرفهوش ,الى ما شفتهوش
رد عليا باسما كعادته : ديه طبيعة البشر يا حمار ..انت بقالك 24 سنة عايش فى وسط البشر ولسه برده حمار مش عارف طبيعتهم..بيخافو من الموت عشان مجهول...يخافو من العفاريت عشان مش بيشفوهم
فجأة سكت ولقيته مركز فى سماع الراديو...ضحكت وقلتله انت بتسمع اغانينا اهو بقيت مننا وهتسكن معانا فى كوكبنا اهه, شاور ليا انى اسكت مش عارف ليه,ولقيت عنيه فيها حزن شديد ممزوج بشيىء غريب من الحكمه وقالى اسمع...قلتله اه ديه اغنية مكعب سكر لبلاك
شاور ليا بالسكوت وقال اسمع بس
كانت جزء من اغنية لبلاك تيما (مكعب سكر)
أملك صورة انا فيها صغيّر
شكلى اتغير ما عرفتوش
كان فى جيوبى مكعّب سكّر
داب السكّر ما لقيتهوش
اما اتقطعت منى الساعة
وقع الوقت لاقيتنى كبير
لقيته قطع الصمت الى ساد بعد الاغنية وهو بيقولى لاول مرة وهو مش بيضحك او مبتسم:
انا اكتر واحد المفروض يكره التغير لانى خلاص تقريبا جربت الى عاوز اجربه ,الشعر الى شاب من اللف والسفر فى الدنيا بره مصر وجواها ...بس لسه برده بطالب بالتغير...مش معقول هعمل زيك واقعد اقول الى اعرفه احسن من الى معرفهوش.....والى انا فيه دلوقتى احسن...بص يا ابنى انا مولود من 75 سنة تقريبا وبدعى ربنا انه يزدنى فى العمر بس عشان اشوف ايه الى ممكن يحصل ايه الى ممكن يتغير....
وسكت ثوانى حسيت انه بيفكر ولو مت مش هتفرق معايا هبقى اخدت من الدنيا الى انا عاوزه ...عارف ليه لانى شوفت الدنيا وهى بتتغير شوفت نفسى وانا بتغير...شوفت كمان مصر وهى بتتغير...بس انت معاك حق انت من مواليد التمنينات جيت فى وقت لا تغير فيه انما انا كنت موجود فى وقت الثورة ,وقت الحلم والحرب..فى وقت الحروب كان فى كل يوم حال بيتغير..ورغم الحروب كنا مبسوطين جدا برده ,وكنا بنحلم كمان..للاسف بعد الحروب قلت سلام ونحلم بقى, بس من الواضح ان السلام موتنا من جوه وقتل فينا الاحلام كمان.
قلت له: ربنا يديك طولت العمر يا حوده انت لسه شباب حتى.....بس انت طلعتينى برده من موضوع هبة الى كنت بقلك حاسس انها اتغيرت دخلتنى فى موضوع مصر وازاى انها مش بتتغير
رد عليا باندفاع : مافيش فرق ياحمارهفهمك بالمنطق هبة جزء من مصر...هبة انت بتقولى انها اتغيرت ومصر برده اتغيرت زيها بس انت مش واخد بالك بس مش فاهم ازاى انت مالحظتش التغير ده من زمان,بقالك متجوزها تلت سنين وانت مش واخد بالك ان فى تغير...عارف ايه الى حصل؟؟؟
اجاوب لك انا هبة اتغيرت ببطىء من غير ما انت تحس, ماحصلتش احداث كبيرة فى حياتكم تعمل التغير الكبير الى يظهرحصل معاكم العكس كانت الاحداث بسيطه وكانت بتعمل تغير بسيط ومتراكم فجأة لقيتها اتغيرت.
رديت عليه وانا مقتنع بكلامه: طيب يا جدى ادام انته قدمت ليا التفسير والتحليل للحصل لهبة ممكن تقدم لى الحل ..انا مش عاوز انجرف فى التيار انا كمان واتغير.
كانت رجعت له ابتسامته وهو يقول: متخفش مش هتنجرف فى التيار ..(التيار مش بيجرف معاه غير السمك الميت يا حمار)....وياريت التغير يجيلك بس التغير الصح الى يحولك للاحسن وبتمنى لمراتك كده برده يا يوسف بس هتبقى صعب اوى لان الى بيتغير ببطىء صعب انه يرجع تانى مره واحده.
اخيرا ناديتنى باسمى مش بحمار.
اسكت يا حمار , اسمع منير بيقول ايه ...
يمكن يديك الامل
يا عروسة النيل يا حتة من السما
يالى صورتك جوة قلبى ملحمة
احنا لو مرة نادينا
تجري على اصغر مافينا
من ورا الليل والمعابد
والكنايس و المساجد تحضنينا وتحكي لينا
تصغر الدنيا في عنينا
وانتي يا شمعه يا قايدة في قلبنا
ياعروسة النيل ياحتة من السما
خلصت الاغنية والتفت له وقلتله ايه رايك فى خريف مصر2010
للاسف مردش عليا وقالى الاجابه زى كل مرة
لاسف سابنى حاير فى سؤالى
انتبهت لسؤال جدى ,سالنى وانا مش مستعد ...مكنش عندى رأى فى اى شيىء الرؤية انعدمت عندى .
طلع كلام منى بعفويه : مش عارف ,دلوقتى بالذالت مش عارف العيب فى انا ولا فيها.
بص لى وهو بيضحك من الحيرة الى انا فيها وقالى قوم شغل الراديو نفسى اسمع راديو اتخنقت من التلفزيون والنت بتاعكم ده.
ماشى ياعم محمود بس انا مش هشغل اغانى قديمة انا هجيب اغانى من بتاعتنا بقا ادام انت قررت تصنف التصنيف ده بتاعتنا وبتاعكم كأننا مش عايشين فى نفس المكان ,انتم من كوكب واحنا من كوكب .....شغلت الراديو ورجعت للكرسى الى جنبه.
قلت له: ايه رايك انت تفتكر التغير ده شيىء لطيف ....تفتكر لما الاقيها اتغيرت معايا وما بقيتش الانسانة الى اعرفها وحبيتها هو ده شيىء طبيعى.
لاول مرة من وقت ما قعدت معاه من ساعة يقفل الجرنال ويحطه على جنب ويكون تركيزه معايا كامل
قالى : بص يا يوسف الحياة يا ابنى لو محصلش فيها تغير سواء للوحش او للحلو هتبقى ماية راكده هتتعفن
رديت عليه منفعل: بس انت عارف انى بخاف من التغير ,بخاف من التجديد ,بخاف من الى ما اعرفهوش ,الى ما شفتهوش
رد عليا باسما كعادته : ديه طبيعة البشر يا حمار ..انت بقالك 24 سنة عايش فى وسط البشر ولسه برده حمار مش عارف طبيعتهم..بيخافو من الموت عشان مجهول...يخافو من العفاريت عشان مش بيشفوهم
فجأة سكت ولقيته مركز فى سماع الراديو...ضحكت وقلتله انت بتسمع اغانينا اهو بقيت مننا وهتسكن معانا فى كوكبنا اهه, شاور ليا انى اسكت مش عارف ليه,ولقيت عنيه فيها حزن شديد ممزوج بشيىء غريب من الحكمه وقالى اسمع...قلتله اه ديه اغنية مكعب سكر لبلاك
شاور ليا بالسكوت وقال اسمع بس
كانت جزء من اغنية لبلاك تيما (مكعب سكر)
أملك صورة انا فيها صغيّر
شكلى اتغير ما عرفتوش
كان فى جيوبى مكعّب سكّر
داب السكّر ما لقيتهوش
اما اتقطعت منى الساعة
وقع الوقت لاقيتنى كبير
لقيته قطع الصمت الى ساد بعد الاغنية وهو بيقولى لاول مرة وهو مش بيضحك او مبتسم:
انا اكتر واحد المفروض يكره التغير لانى خلاص تقريبا جربت الى عاوز اجربه ,الشعر الى شاب من اللف والسفر فى الدنيا بره مصر وجواها ...بس لسه برده بطالب بالتغير...مش معقول هعمل زيك واقعد اقول الى اعرفه احسن من الى معرفهوش.....والى انا فيه دلوقتى احسن...بص يا ابنى انا مولود من 75 سنة تقريبا وبدعى ربنا انه يزدنى فى العمر بس عشان اشوف ايه الى ممكن يحصل ايه الى ممكن يتغير....
وسكت ثوانى حسيت انه بيفكر ولو مت مش هتفرق معايا هبقى اخدت من الدنيا الى انا عاوزه ...عارف ليه لانى شوفت الدنيا وهى بتتغير شوفت نفسى وانا بتغير...شوفت كمان مصر وهى بتتغير...بس انت معاك حق انت من مواليد التمنينات جيت فى وقت لا تغير فيه انما انا كنت موجود فى وقت الثورة ,وقت الحلم والحرب..فى وقت الحروب كان فى كل يوم حال بيتغير..ورغم الحروب كنا مبسوطين جدا برده ,وكنا بنحلم كمان..للاسف بعد الحروب قلت سلام ونحلم بقى, بس من الواضح ان السلام موتنا من جوه وقتل فينا الاحلام كمان.
قلت له: ربنا يديك طولت العمر يا حوده انت لسه شباب حتى.....بس انت طلعتينى برده من موضوع هبة الى كنت بقلك حاسس انها اتغيرت دخلتنى فى موضوع مصر وازاى انها مش بتتغير
رد عليا باندفاع : مافيش فرق ياحمارهفهمك بالمنطق هبة جزء من مصر...هبة انت بتقولى انها اتغيرت ومصر برده اتغيرت زيها بس انت مش واخد بالك بس مش فاهم ازاى انت مالحظتش التغير ده من زمان,بقالك متجوزها تلت سنين وانت مش واخد بالك ان فى تغير...عارف ايه الى حصل؟؟؟
اجاوب لك انا هبة اتغيرت ببطىء من غير ما انت تحس, ماحصلتش احداث كبيرة فى حياتكم تعمل التغير الكبير الى يظهرحصل معاكم العكس كانت الاحداث بسيطه وكانت بتعمل تغير بسيط ومتراكم فجأة لقيتها اتغيرت.
رديت عليه وانا مقتنع بكلامه: طيب يا جدى ادام انته قدمت ليا التفسير والتحليل للحصل لهبة ممكن تقدم لى الحل ..انا مش عاوز انجرف فى التيار انا كمان واتغير.
كانت رجعت له ابتسامته وهو يقول: متخفش مش هتنجرف فى التيار ..(التيار مش بيجرف معاه غير السمك الميت يا حمار)....وياريت التغير يجيلك بس التغير الصح الى يحولك للاحسن وبتمنى لمراتك كده برده يا يوسف بس هتبقى صعب اوى لان الى بيتغير ببطىء صعب انه يرجع تانى مره واحده.
اخيرا ناديتنى باسمى مش بحمار.
اسكت يا حمار , اسمع منير بيقول ايه ...
يمكن يديك الامل
يا عروسة النيل يا حتة من السما
يالى صورتك جوة قلبى ملحمة
احنا لو مرة نادينا
تجري على اصغر مافينا
من ورا الليل والمعابد
والكنايس و المساجد تحضنينا وتحكي لينا
تصغر الدنيا في عنينا
وانتي يا شمعه يا قايدة في قلبنا
ياعروسة النيل ياحتة من السما
خلصت الاغنية والتفت له وقلتله ايه رايك فى خريف مصر2010
للاسف مردش عليا وقالى الاجابه زى كل مرة
لاسف سابنى حاير فى سؤالى
0 التعليقات:
إرسال تعليق