فنجان قهوة " اللقاء التانى "

اللقاء التانى كان بعد 25 يناير



اتصلت بالهام وقررت اعتذر لها بعد  حوالى اربع شهور من اخر مقابله بينا والى ما أتكلمتش فيهم كلمتين على بعض, واتفقنا على معاد فى نفس المكان .
روحت قبل المعياد بربع ساعه عشان اقعد لوحدى شوية فى المكان واتفرج على منظر البحر , وريحة البن داخله فى النغاشيش وبتضرب فى المخ, مع الموسيقى الى انا بعشقها والى خلتنى اعشق المكان,وعلى فكره الحاجه الوحيده فعلا الى كنت مفتقدها فى مصر هى المكان ده .

جات الهام فى معادها ,فى البداية كانت لابسه عليا الوش وكررت الاعتذار , وسكتت شوية .
سالتنى ايه جايبنى المره ديه عشان تقولى فى الاخر انا جى عشان اشرب فنجان قهوة؟؟؟؟؟
طيب ما تشربها لوحدك يا عمنا ولو جايبنى عشان التسلية ,لو كده جيب شوية لب او  ترمس وانت جاى.

كنت بسمع  لها كأنى اول مره اسمع كلامها فى حياتى , اكتشفت ان جزء من حبى وارتباطى بيها هى انى بستمتع بطريقتها فى الحور"انها تسأل وترد" .
 وحقيقى بحسدها على كده, لانى عندى اسألها كتير مالهاش اجابات .

لقيته غيرت نبرتها للانفعال وبتقولى انت شاركت فى احداث الثورة صح؟؟؟؟
اكيد انت شاركت انا متأكده انى شوفتك يوم الاربعاء 26 يناير فى فديو كان متصور العصر كده واتذاع على الجزيرة , وانت بتجرى وبتنط من فوق سور حديد فى الميدان انت و كنت بين شوية ناس كده .
 انا قلت ده اكيد انت قررت ترجع لايام زمان ,وايام المظاهرات وكده ياعم.

افتكرت اخر مظاهرات نزلت فيها وقت الانتفاضه التانية الفلسطنية, يوم ما شوفت محمد الدره وهو بيتقتل ودمه بيغرق تى شرت ابوه الابيض, يومها كل شباب الجامعات والمدارس نزلوا يصرخوا ويهتفوا بسقوط دولة اسرائيل .
الغريب انهم ماكنوش بيهتفوا بسقوط النظام مثلا بس برده اضربوا .
ايه ده انا فعلا نسيت الاحداث ديه كلها؟؟؟
انا ازاى قبلت اخد رشوة ؟؟؟؟
ليه سكت على الظلم الى حصل ليا؟؟؟
حالتى فى اللحظه ديه فكرتنى بالافلام العربى القديمه , لما البطل يضرب على دماغه وترجعله الذاكره مره واحده كده, ويقعد يقول
"احمدك يارب".

من الواضح ان جملة "احمدك يارب "نطقتها و بصوت عالى كمان .

لقيت الهام بتبصلى وبتضحك وبتفول:"الحمد الله على كل شيىء"
ايه انت خايف ابلغ عنك ولا ايه؟؟؟
ما تخفش كلهم جوا  السجن الى كانوا بيخوفوا دلوقتى هما الى خايفين متخفش اوى كدا .

كنت عايز اقولها كلاب الحراسه موجوده فى كل زمان ومكان, حتى لو مافيش حاجه بتحرسها , اصلها ضرت على العض ونهش اللحم, و من الصعب انك ترجعيها  أليفه ما تعوضش تانى .

مالحقتش ارد لانى خطفتنى لسؤال تانى .
انت قريت جرايد النهارده؟؟
اوعوا تقولى لا, مش عرفوا مين الى اخد رشوة مرسيدس , وانا الى كنت هموت واعرف هو مين, كنت حاسه بختم النسر على قفانا يا اخى ,تصور ان امريكا تقولنا هعرفكم مين و الحكومه بتاعتنا تكتم .

لقيت نفسى بدمع لاول مره من زمن طويل ,مش فاكر حتى اخر مره بكيت فيها كانت امتى, كانت عايز اقولها انى كنت عارف , وجبنت... سكت ...خفت اتعض ...خفت اتحبس .
كان نفسى  ازعق فيها واقولها ماهو انتى لو بتسمعينى كنت عرفتى ان القضيه ديه هى سبب هروبى من مصر .
كنت هتعرفى انى لو كنت بلغت وغيرى بلغ عن الفساد كنا وفرنا
 دم الشهدا ...
 وعيون الابطال ....
 ودموع الامهات والاطفال ....

مصطفى انا اول مرة اشوفك بتبكى؟؟؟
 دى دموع الفرح صح .
اكيد ماهو حقوقنا كلها هترجع. مش كده برده؟؟؟



تحولت دموعى لضحك بجنون وهستريه وقلتلها  بصوت عالى اوى "حقوق ايه يا ام حقوق" .
بصتلى باستعجاب وهى بتشك فى جنونى .

وقلت اكد لها جنونى.

وبصوت اعلى من الصوت الاولانى.


" الهام تتجوزينى  "

اول مشهد فتحت عنيا عليه وخلانى افهم

Posted in: